Замонавий хореография ва спорт пластикаси халқаро танлови

Замонавий хореография ва спорт пластикаси халқаро танлови – янги мувафаққият ыозонган спорт лойиҳаси бўлиб, у ёш профессионал ва хаваскорларга (5 ёшдан 25 ёшгача уч гуруҳ) имкониятлар эшигини очади. Унда иштирок этган энг яхши жамоаларга нафақат диплом ва совғалар топширилади, балки Фонд Форум томонидан грантлар ажратилади.

Лойиҳа ёш иштирокчиларнинг хореографик маҳоратини ривожлантириш ва уларнинг профессионал даражасини оширишга қаратилган. Замонавий хореография ва спорт пластикаси халқаро мусобақаси ижодий жамоаларга ўз маҳоратларини катта саҳнада намойиш этишлари ҳамда ҳакамларнинг объектив баҳоларини олишлари учун ажойиб имконият беради.

Мусобақа дастури доирасида жамоалар қуйидагича йўналишлар бўйича чиқишлар қилишади:

• спорт-бал рақслари;
• халқларга оид рақслар;
• street-dance (“кўча” рақси);
• modern dance (free-style);
• спорт акробатикаси ва бадиий гимнастика.

Етакчи мутахассислар ва санъат арболаридан иборат нуфузли ҳакамлар ҳайъати иштирокчиларга қуйидаги талаблар бўйича баҳо беришади: чиқишнинг бадиий ва хореографик безаги, ижро пластикаси ва техникаси, ҳиссиёт, ижрочиларнинг актёрлик маҳорати, чиқишда мусиқа, хореография ҳамда ижрочилар комстюмларининг мутаносиблиги.

Мусобақа бир қанча босқичларда ўтказилади: саралаш босқичлар ва якуний гала-концертда мусобақа ғолиблари аниқланади. Тадбир лауреатлари диплом, грант ва ташкилотчиларнинг қимматбаҳо совғалари билан тақдирланишади.