Фаол ёшлар учун маълумот

Фонд Форумнинг аксарият тадбирлари лойиҳаларни ташкил этиш ва ўтказишга ўз ҳиссасини қўша оладиган, турли акцияларни ўтказиш учун вилоятларга сафар қилиб, Матбуот хизмати фаолиятига ёрдам берадиган, таржимон сифатидаги ва бошқа кўмак кўрсата олидадиган кўнгиллилар, фаол ва иқтидорли ёшлар, олийгоҳлар талабалари ёрдами билан амалга оширилади.

Бундан ташқари, Фонд Форумнинг фаол ёшлари турли мавзуларга бағишланган маҳорат дарслари ва тренингларда қатнашишлари, шу билан бирга, жамғарманинг ҳамкор ташкилотлари лойиҳаларини амалга оширишга ўз ҳиссаларни қўшишлари мумкин.

Саралаб олинган номзодлар қизиқиши ва таълим олаётган соҳасидан келиб чиққан ҳолда Фонд Форум ва қуйидаги ҳамкор ташкилотларнинг лойиҳаларидан бирига йўналтирилади:

• “Меҳр нури” жамоат жамғармаси,
• Ижтимоий ташаббусларни қўллаб-қувватлаш фонди (ИТҚФ),
• “Аёллар кенгаши” республика жамоат жамғармаси,
• “Ҳаёт учун!” кўкрак бези саратони миллий уюшмаси,
• “Келажак овози” ёшлар ташаббуслари маркази,
• “Форум юниор спорт” болалар спорт мажмуаси,
• Болалар ижодиёти марказлари,
• “IJOD” рассомлар, санъатшунослар ва халқ усталари миллий уюшмаси,
• Абу Али Ибн Сино (Авиценна) номидаги халқаро халқ табобати уюшмаси,
• Ёшларни иш билан таъминлашга кўмаклашиш маркази,
• Kelajak Lingvo тил маркази.

Ўз навбатида кўнгилли фаол ёшлар турли мавзулардаги маҳорат дарслари ва тренингларда, Фонд Форум ҳамда ҳамкор ташкилотларнинг тадбирларида иштирок этишлари мумкин.

Фонд Форумнинг кўнгилли ёшлари қаторига кириш учун нима килиш керак?

Аризалар ҳар ойнинг учинчи ҳафтаси жума куни соат 16.00 дан 17.00 гача қуйидаги манзил бўйича қабул қилинади: Тошкент шаҳри, 100027, Ўзбекистон шохкўчаси, 80-уй.

Керакли ҳужжатлар:

• Паспорт,
• Ўқув юртидан маълумотнома,
• Талабалик гувоҳномаси,
• 2 та 3х4 ҳажмли сурат,
• Камида иккита тавсиянома,
• Диплом ва сертификатлар нусхаси.