Кўмак юклари

2010-06-19

19 июнь куни Гулнора Каримова томонидан бошқарилувчи “Меҳр нури” жамоат бирлашмаси, “Аёллар кенгаши” РЖБ, Фонд Форум ва Ижтимоий ташаббусларни қўллаб-қувватлаш фонди томонидан 200 тоннага яқин инсонпарлик ёрдами Тошкентдан Қирғизистонга юборилди. Инсонпарварлик ёрдами биринчи навбатда керакли маҳсулотлар, озиқ-овқатлар, дори-дармонлар, гигиена воситалари, шакар, гуруч, ун, картошка, макарон, ёрмалар, чой, ичимлик суви, ёғ, бир маротаба ишлатиладиган шприцлар, томчилаб қон қуйиш мосламалари, бинтлар, йод, оғриқ қолдирувчи воситалар, болалар кийимлари, пойабзал, матрацлар, кўрпа ва бошқалардан иборат эди.

Бундан аввалги инсонпарварлик ёрдами партияси юборилгани кундан кейинги икки кун ичида Жамғармаларга ҳар куни жабрланувчиларга ёрдам бериш истагида турли ташкилот ва шахслар мурожаат этишмоқда.

Қуйидаги ташкилот ва фуқаролар кўмак кўрсатишди:

• Tethys Petroleum Limited
• GeoMax компанияси
• Special Olimpics
• Alfa Invest суғурта компанияси
• Жигар ва пешод чиқариш йўллари жарроҳлик илмий маркази
• Parfume Gallery
• «Ўзбекистон» меҳмонхонаси
• «Марказ» кредит бирлашмаси
• «Grand Mir Hotel» меҳмонхонаси
• Мухаббат Алиева, талаба
• «Тадбиркор аёл» ИАУ
• «Инвест Кредит» кредит бирлашмаси
• Сингапурнинг Ўзбекистондаги ваколатхонаси
• «Lobol - Impeks» ОАЖ
• Муҳамадолим Жамолдинов
• Улуғгбек Жабборов
• Дилфуза Хасанова
• «Барака» кредит бирлашмаси
• «Ева» дўкони

Шунингдек, жабрланувчларга аноним равишда кўмак кўрсатганлар.

Эслатиб ўтамиз, 16 июнь куни жамғармалар 200 млню сўмдан ортиқ маблағга 130 тонна инсонпарварлик ёрдами (озиқ-овқатлар ва дори-дармонлар) юборишган эди. Ушбу маҳсулотлар асосан жамғармалар томонидан тўпланган бўлиб, шундан сўнг инсонпарварлик ёрдами етказишни хоҳловчилар қаторга қўшилишди.

«Келажак овози» ЁТМ кўнгиллилари Андижон вилоятининг чегара ҳудудларида қочоқларга кўмак бериш мақсадида Ўзбекистон томонидан тузилган махсус лагерларда озиқ-овқатлар ва дори воситаларини йиғиш ва тарқатишда фаол иштирок этишмоқда.

Қирғизистондаги ҳодисалар чоғида талафот кўрганларга инсонпарварлик ёрдами кўрсатишга ўз ҳиссасини кўрсатиш истагидагилар учун тезкор телефон алоқаси рақамлари ишлаб турибди.

Тезкор телефон алоқаси рақамлари + (998 71) 239-27-87/86

Алоқа учун: Наргиза Зокирхўжаева, Гулноза Абдуллаева

Шунингдек, хоҳловчилар тўғридан-тўғри Фонд Форум, ИТҚҚФ, “Аёллар кенгаши”, “Меҳр Нури”га мурожаат этишлари мумкин.